Talimālō le Manumā Sāmoa ‘i le New Zealand Heartland XV ‘i Sāmoa Novema 2025

‘Ua fa’alauiloaina nei ‘e le Lakapī Sāmoa ma le Iuni Lakapī ‘a Niu Sila se ta’amilosaga lakapī ‘e faia ‘i le māsina ‘o Nōvema ‘o le tausaga nei.  ‘O le ‘ā talimālō ai le Manumā Sāmoa ‘i le ‘au ‘a le New Zealand Heartland XV ‘i Sāmoa.

‘O se faiga ‘e patipatia ai pea le so’otaga ‘i le vā ‘o Sāmoa ma Niu Sila ‘i le tūlaga ‘o tā’aloga lakapī.

‘E lua tā’aloga ‘o le ‘ā fa’atinoina ai ‘i lea ta’amilosaga.

‘O le Aso Lua 4 Novema 2025, ‘o le ‘ā tā’a’alo ai le Presidents XV ma le New Zealand Heartland XV ‘i Apia Park ‘a’o le Aso To’ona’i 8 Novema 2025 ‘e tā’a’alo ai le Manumā Sāmoa ma le New Zealand Heartland XV ‘i le Apia Park.  ‘O le ‘ā fa’ailoa le taimi ‘o ia tā’aloga ‘i nai māsina ‘o lumana’i nei.

Ata: Lakapī Sāmoa