Mālilie Niu Sila ‘e fa’aalu le lata ‘i le $24 mīliona tālā ‘o se satellite mō le militeli ‘a Amerika

‘Ua mālilie Niu Sila ‘e tu’uina atu le $24 mīliona tālā ‘i le satellite mō feso’ota’iga  fa’amiliteli ‘o lo’o fausia ‘e le Iunaite Setete. ‘O Niu Sila ‘o sē tasi o pā’aga fa’avāomālō mai le to’a 10, o lo’o fesoasoani ‘e fa’alautele le feso’ota’iga ‘i satellite ‘i le fale pa’epa’e, le Wideband Global SATCOM (WGS), lea e 11 satelite o lo’o iai nei.

‘O le satellite lona 12 ‘ua fuafua ‘e fa’alauiloa ‘i le 2028 po’o se taimi ‘i le lumana’i. ‘O le tau ‘atoa ‘o lea satellite ‘e sili atu ma le ‘afa pīliona. ‘E pei o le satellite lona 11, ‘o le ‘ā ‘iai ni tēkonolosi ‘e puipuia feso’ota’iga ‘a fitafita o lo’o gālulue ‘i nofoaga ‘e latalata ‘i masini ‘e fa’alavelave ‘i fa’ailo ‘o feso’ota’iga, ‘e pei ona tā’ua ‘e le Space Force ‘a ‘Amerika.

Na tā’ua e le Vaegā’au ‘a Niu Sila, ‘o le fa’aauauina ‘o lenei feso’ota’iga ‘i satellite, ‘e mafai ai ona maua le mālosi ‘o feso’ota’iga fa’amiliteli ‘o lo’o mana’omia. ‘O le $23.7 mīliona ‘a Niu Sila ‘o le ‘ā fa’aalu i totonu o le lua tausaga.

‘O isi atunu’u o lo’o fai saofaga ‘i le polōketi ‘e iai Peseuma, Kānata, Czech Republic, Tenimaka, Luxembourgh, Neverlands, Nouei, Pōlani ma Pēretānia. Sa iai fo’i le sao ‘o Niu Sila muamua ‘e $15 mīliona mō le satellite 11, pei ona līpotia.

Link to RNZ (Article): https://www.rnz.co.nz/news/politics/1557034/new-zealand-agrees-to-put-almost-24-million-into-military-satellite-us-is-building

IMAGE/ATA: Supplied/Boeing (RNZ).