Fa’apa’iaina le Malumalu ma le Hall ‘a le ‘Ekālesia Porirua Sāmoan Assembly of God

‘O le Aso To’ana’i ‘ua mavae atu nei, na fa’apa’iaina ai le malumalu ma le hall ‘a le ‘Ekālesia Porirua Sāmoan Assembly of God. ‘O le faletua ‘o le ta’ita’i ‘o le matāgaluega Sāmoa ‘a Niu Sila ‘iā Nancy Faletutulu ma le faletua ‘o le fa’afeagaiga ‘a le ‘Ekālesia ‘i Porirua, Danira Lealamisa, na ‘o’otiina le lipine ‘e tatala ai lea galuega.

‘O Pastor Meāalofa Lealamisa, ‘o le faife’au ‘a le ‘Ekālesia ‘i Porirua, sā ta’ita’ia le sauniga. ‘O Rev ‘Aila’ula’u Faletutulu, sā feagai ma le sauniga ‘o le fa’apa’iaina ‘o le galuega. ‘O le ali’i faife’au ‘iā Dr. Iliafi Esera, sa folafolaina le Afioga Pa’ia ‘a le Atua, ‘e fa’amālosi’au ‘i le ‘Ekālesia ma le ‘au vala’aulia.

‘O Mē ‘o le tausaga ‘ua mavae 2025, na ‘āmata ai le galuega ‘o le fa’afouina, toe soso’oina ‘o le hall, ma le fa’amālosia ‘o le fale, peita’i ane na māua ai, ‘e tele nisi galuega ‘e toe faia, ‘ona ‘ua fa’aleagaina nisi vāega ‘o le falesā.

Na si’itia ai ma le tau ‘o le galuega, lea ‘e lata ‘i le $2.1 miliona talā. Na fa’a’iuina le aso ‘i le taumafataga ma fa’aaloāloga māsani. 

ATA: SCR / Tufue Fiso