To’atasi na maliu ‘i Ukraine, to’alima na mānunu’a ‘i se osofa’iga ‘a Lusia

‘E 47 tausaga ‘o se tama’ita’i na maliu ma le to’alima na mānunu’a, ‘ona ‘o se osofa’iga ‘o meatau fa’atonutonu mamao ‘a Lusia na osofa’iina ai le ‘a’ai ‘o Kryvyi Rih ‘i Ukraine pei ‘ona tā’ua ‘i līpoti ‘i luga ‘o le Radio NZ.  ‘O le a’ai lea ‘o le ali’i peresetene ‘o Zelensky, ma ‘e lē fa’atasi ‘ona fa’atūtū ‘i ai osofa’iga ‘a Lusia. 

‘O le Aso Lulu lea na fa’ailoa ai le ‘ioe ‘o le Iūnaite Setete ‘e toe ‘āmata le fesoasoani fa’alemiliteli ma le fefa’asoaā’iga ‘o le tūlaga tau ‘i le puipuiga ma Ukraine ‘ina ‘ua māe’a talanoaga, lea na fa’ailoa ai ‘e Ukraine, ‘o le ‘ā taliaina se fautuaga (proposal) ‘a le Iūnaite Setete ‘e tāofia ai le taua mō aso ‘e 30 ma Lusia, pei ‘ona fa’aalia ‘i se fa’amatalaga tu’ufa’atasi a ‘Amerika ma Ukraine.

Na fa’aalia ‘e le Failautusi ‘o le Iūnaite Setete, Marco Rubio ‘i le Aso Lulu taimi Niu Sila, ‘o le ‘ā tu’uina atu nei ‘e le Iūnaite Setete lea ofo ‘iā Lusia. 

Na fa’aalia ‘e Rubio ‘i le ‘au tusitala, ‘ua finagalo le Peresetene ‘e fa’amuta le taua ananafi, ma ‘o lo lātou fa’anaunauga, ‘o le ‘ā vave ‘ona ‘ioe mai Lūsia, ‘ina ‘ia mafai ‘ona fa’agāsolo atu ‘i le isi vāega lona lua, ‘o feūtaga’iga ‘e tatau ‘ona fa’ataunu’uina vave. 

Link to RNZ (Article): https://www.rnz.co.nz/news/world/544606/russian-missile-attack-on-central-ukraine-kills-one-person-injures-five-local-officials-say

ATA: ANATOLII STEPANOV / AFP (RNZ).