Tō’ai taunu’u ‘i ‘Ausetalia le ali’i ‘o Julian Assange, ‘e ana le WikiLeaks na liki ai fa’amaumauga fa’alilolilo ‘a le Mileteri ‘a ‘Amerika

‘O lo ‘o lauāluga ‘i luga ‘o āla ata fa’asalalau ‘i le āsō, le to’ai taunu’u ai ‘i ‘Ausetalia le ali’i ‘o Julian Assange lea na fa’avaeina le ‘upegatafa’ilagi ‘a le WikiLeaks, ‘ina ‘ua māgalo mai ‘i le tuliga ‘o lona fa’asalaga. ‘O le Wikileaks na liki mai ai ‘i tua ‘o fa’amaumauga fa’alilolilo ‘a le Militeri ‘a le Iunaite Setete. ‘O le ‘afa ‘o le 7pm taimi Canberra ‘i le pō ‘anapō, na toe fo’i atu ai ‘i lona ‘aiga ‘i Canberra. Na feso’ota’i le Pālemia ia Anthony Albanese ia Assange, ‘e fa’afeiloa’i atu ai ‘i lona ulufale atu ‘i le atunu’u.

Na fa’afetaia ‘e le faletua ‘o Assange le lagolago ma le fesoasoani ‘a le Mālō ‘o ‘Ausetalia. ‘O ‘ananafi na ‘ioeina ai ‘e Assange lona moliaga ‘e tasi ‘o le taupulepule ma le fa’asalaga ‘ua uma ‘ona tuli, ‘i se maliliega mai se fa’aiuga na faia ‘e le Iunaite Setete, lea na falepuipui ai mo le silia ma le sefulu tausaga. Saunoa Albanese ‘e tusa lava po ‘o le ā le manatu ‘o tagata ia Assange, ‘e manino lava ‘ua ‘umi tele lana mātā’upu. Na fa’atumulia tagata ‘e lagolagoina Assange ‘i fafo ‘o le fale talimālō, ‘e fa’afeiloa’i ai Assange ‘i le pō ‘anapō.

In top news today, is the moment Julian Assange, the founder of the website WikiLeaks arriving in Australia. Assange was pardoned in the pursuit of his punishment after leaking secret military documents of the United States of America onto the WikiLeaks website. Assange arrived in Canberra last night, returning to his family. Australian Prime Minister Anthony Albanese welcomed the news of Assange arriving back into the country. Assange’s wife thanked the support and the assistance of the Government of Australia.

Yesterday Assange pleaded guilty to one count of conspiracy and the sentence has already been served in an agreement from a decision made by the United States, where he was imprisoned for more than 10 years. Prime Minister Albanese said that regardless of what people thought about Assange, it is clear that he has served his time. Assange’s supporters gathered outside his hotel last night.

PHOTO: Taunu’u Julian Assange ‘i le malae va’alele ‘a le RAAF Fairbairn ‘i Canberra. Associated Press