Tata’e ‘e Cory Booker le matāti’a ‘o le taimi pito ‘umi ‘o se saunoaga ‘i le Senate ‘e tete’e ai ‘iā Trump

Na fa’alēaogāina pe tata’e ‘e le Senatoa ‘o New Jersey, Cory Booker, se matāti’a, ‘o le taimi pito sili ‘ona ‘umi mō se saunoaga ‘i le Senate, mā ‘e 25 ītūlā ma minute ‘e lima, na faia ai sana lāuga ‘e fa’aleo ai ni lapata’iga ‘e fa’apea ‘e mai le pūlega ‘a le Peresetene, Donald Trump ‘o le Iūnaite Setete, lea ‘ua a’afia ai tagata ‘Amerika.

Na sili atu le ‘umi ‘o le taimi na saunoa ai Booker nai lō le 24 ītūlā ma minute ‘e 18 na saunoa ai Strom Thurmond ‘i le tausaga ‘e 1957.  ‘O Booker ‘o se sui ‘o le Democrats ‘i le Senate, ma ‘o lo’o feagai la lātou vāega fa’a’upufai, ma ni finagalo mālolosi mai a lātou ‘au pālota, ‘ina ‘ia mālosi la lātou tali atu ‘e fa’asaga ‘iā Trump.

‘O le ‘umi ‘o le saunoaga ‘a le senatoa, na fa’atuatuai ai fa’agāsologa ‘o gāluega māsani ‘a le fale tūlāfono ‘i le Senate ‘i le Aso Lua pei ‘ona tā’ua ‘i līpoti.

Link to RNZ (Article): https://www.rnz.co.nz/news/world/556908/cory-booker-breaks-record-for-longest-senate-speech-in-protest-at-trump-s-agenda

ATA: AP.