Sisi sesē le fu’a ‘a Niu Sila ‘i ‘Ausetālia

‘Ua sesē le sisiina ‘e le Palemene ‘a ‘Ausetālia ni fu’a se lua ‘a Niu Sila, ‘a’o faia se fa’amanatuga ‘o le taimi muamua na sisi ai tagāvai ‘a ‘Ausetālia, sa sisi ai fu’a ‘e 44 ‘i Capital Hill ‘i Canberra. Peita’i, na aofia ai ma fu’a ‘e lua ‘a Niu Sila, ma na māfua mai ‘ona ‘o le fōliga tutusa ‘o fu’a o atunu’u ‘e lua.

‘O le tausaga ‘e 1900, na faia ai ‘e le mālō ‘o ‘Ausetālia se tauvaga mō ni mamanu ‘o le fu’a. ‘E silia ma le 30,000 mamanu na tu’uina atu ‘i le tauvaga, ma ‘o le to’atele sa aofia ai le Union Jack ma le Southern Cross. ‘O le fu’a na filifilia na ulua’i sisiina ‘i le Aso 3 o Sētema 1901, ma na āloa’ia fa’aletūlāfono ‘i lalo ‘o le Flags Act ‘i le 1954.

‘O le fu’a ‘a Niu Sila na āloa’ia ‘i le 1902, ‘ina ‘ua fa’amāonia ‘i lalo ‘o le NZ Ensign Act. ‘I le 2018, na tu’ua’ia ai ‘e le Sui Palemia ‘i lenā taimi, Vaovasamānaia Winston Peters ‘Ausetālia ‘i le kopi lea ‘i mamanu o le fu’a ‘a Niu Sila.

Link to 1News (Article): https://www.1news.co.nz/2026/09/04/aussie-parliament-accidently-raises-two-nz-flags-when-commemorating-its-own/

IMAGE/ATA: 7 News Australia (1News).