Saunoa Jacinda Ardern ‘i le Fa’atasiga ‘a le Vāega Fa’a’upufai ‘a le Democrats ‘i le Iūnaite Setete

‘Ua sāuni Dame Jacinda Ardern, ‘e faia sana saunoaga ‘i le fa’atasiga ‘a le Vāega Fa’a’upufai ‘a le Democrats, ‘o se fa’atasiga tele ‘i upu fai ‘o le Mālō ‘o le Iūnaite Setete, ‘o faiga fa’atōsina ‘a’o lumana’i le faigāpālota mō le tofiga peresetene ‘i le māsina ‘o Nōvema. 

‘O lea fa’atasiga ‘o le Democratic National Convention, ‘o le ‘ā molimauina ai le talia āloa’ia ‘e Kamala Harris ‘o le filifiliga ‘o ia ‘e tauvā ‘i le tofiga peresetene.  ‘O Tim Walz ‘ua filifilia ‘e Harris ‘e ‘avea ma ana sui perestene tauvā.  ‘O lea fa’atasiga ‘e ‘āmata ‘i le Aso Gafua ‘e o’o atu ‘i le Aso Tofi.  ‘O lo’o iai le fa’amoemoega ‘e ‘āuai ai le o’o atu ‘i le 50,000 ‘o tagata ma le faitau miliona ‘o ‘Amerika ‘e mafai ‘ona ‘āuai ‘e ala ‘i fa’asalalauga tu’usa’o ‘i luga ‘o ‘au’aunga fa’atēkonolosi.  ‘O le taeao ‘o le Aso Lulu taimi Niu Sila lea ‘o le ‘ā saunoa ai Ardern ‘i lea fa’atasiga.  ‘O Ardern ‘o se tasi na ‘avea muamua ma palemia ‘o Niu Sila ‘o le ‘ā saunoa ‘i lea fa’atasiga, le DNC ‘i Amerika.

Link to RNZ (Article) translated by Savelina Kasiano: https://www.rnz.co.nz/news/political/525521/jacinda-ardern-to-speak-at-us-democratic-national-convention

ATA: Former NZ Prime Minister Jacinda Ardern. RNZ / Phil Smith.