Saogalēmū Will Johnson ma soifua mālōlōina lelei

‘Ua toe maua ma ‘o lo’o saogalēmū ma soifua mālōlōina lelei le tama ā’oga ‘i le Iunivesitē ‘o Massey lea na le’i toe maua se feso’ota’iga ma lona ‘āiga talu mai le aso 5 Iuni.  ‘O le taimi mulimuli na va’aia ai William Henry Johnson po’o Will, ‘o Palmerston North ‘i le vā ‘o le aso 30 Me ma le aso 1 Iuni.

‘O le feso’ota’iga mulimuli ‘a le taule’ale’a ma lona ‘āiga ‘o le aso 5 Iuni ma ‘e le’i toe tali ‘i taumafaiga ‘e fa’afeso’ota’i ai ‘o ia talu mai lenā aso.  Na totogi ‘e ona mātua ni tagata su’esu’e fa’atūma’oti ‘e sā’ilia Will ma ‘o le taeao ananafi na taunu’u ai fo’i ‘i Niu Sila lona tinā, na malaga mai ‘Amerika.

Na fa’aalia ‘e Mike Gillam ‘o le Investigators New Zealand, na iai se fa’amatalaga na fa’ailoa atu ‘iā ‘i lātou pe tusa ‘o le 4 ‘i le aoauli ananafi, ma na mafai ai ‘ona maua ‘e la lātou ‘au su’esu’e le tama talavou, ma ‘o lo’o soifua mālōlōina lelei ‘o ia.  Sā gālulue fa’atasi lea vāega su’esu’e, ma leoleo.  ‘Ua fa’atasi atu ‘i lona tinā ma na talosagaina ‘e lona ‘āiga le mo’omia ‘o le tu’u atu na’o ‘i lātou mō le taimi nei.

Link to RNZ (Article): https://www.rnz.co.nz/news/national/563775/missing-student-will-johnson-found-safe-and-well-investigators

ATA: Supplied/RNZ.