Osofa’iga ‘a ‘Isaraelu fa’asaga ‘i tagata Houthis ‘o Yemen

‘O le Aso Sā na faia ai se osofa’iga ‘a ‘Isaraelu ‘e fa’asaga ‘i ni nofoaga ‘o le ‘au fitafita tete’e ‘a le Houthis ‘i totonu ‘o le atunu’u ‘o Yemen, talu ai ‘ua lua aso soso’o ‘o faia ‘e le Houthis ni osofa’iga fa’asaga ‘iā ‘isaraelu, sā fa’aaogāina ai meatau fa’atonutonu alu mamao.

‘O se lipoti mai le vaegā’au ‘a ‘Isaraelu na tā’ua ai, le fa’aaogāina ‘o ana va’alele tau ‘e osofa’ia ai nofoaga ‘e gaosia ai le ‘eletise fa’apea ai ma ni taulaga se lua ‘o Yemen ‘i le Aso Sā.

Na fa’aalia fo’i e le fitafita ‘a ‘Isaraelu, ‘ua tele osofa’iga ‘ua faia ‘e le fitafita lenei ‘a le Houthis, ‘o lo’o lagolagoina mālosi ‘e le Mālō Iran, fa’asaga ‘iā ‘Isaraelu ‘i totonu ‘o le tausaga ‘ua mavae atu nei.

‘Ae na fa’aalia mai ‘e le Houthis, ‘o a lātou osofa’iga nei ’ua fa’aalia ai lō lātou lagolagoina ‘o tagata Palesetina ‘i le taua ma ‘Isaraelu ‘i totonu ‘o Gaza, ‘o le osofa’iga lata mei nei na faia lea ‘i le Aso To’ona’i fa’asaga ‘ile malae va’alele tele le Ben Gurion Airport ‘i le ‘a’ai ‘o Tel Aviv.

ATA: AP / Sourced from BBC.