Osofa’ia ‘e Iran le nofoaga ‘o vaegā’au ‘a ‘Amerika ‘i le atunu’u ‘o Qatar

 ‘O le taeao nei lea na lipotia mai le faia ‘o ni osofa’iga ‘a le mālō Iran fa’asaga ‘i nofoaga ‘o lo’o fa’amautū ai vaegā’au ‘a ‘Amerika ‘i le atunu’u ‘o Qatar. ‘O nei nofoaga ‘e aofia ai se malae va’alele lea ‘e aupito ‘i tele vaegā’au ma meatau ‘a ‘Amerika ‘o lo’o iai ‘i lea vāega ‘o le lalolagi.

‘O lipoti mai Qatar na tā’ua ai le papā ‘o pulu ma meatau ‘i luga ‘o le ‘ea ‘i le laumua ‘o Doha, a’o taumafai vaegā’au ‘a Qatar ‘e tafana ‘i lalo meatau nei a’o āga’i ane ‘i le malae va’alele ‘e fa’amautū iai vaegā’au ‘a ‘Amerika.

ATA: Iran Generals / AP.