Mōlia ‘e Lūsia le Google ‘i le $20,000,000,000,000,000,000,000,000,000,000,000 (US$20 decillion)

‘Ua faia ‘e le mālō ‘o Lūsia se tagi ‘e fa’asaga ‘i le kamupanī ‘a le Google ‘i se tupe aofa’i ‘e 20 decillion tupe ‘Amerika.  ‘O lona uiga ‘ā tusi ‘i fuainūmera, ‘o le nūmera 2 fa’aopoopo ‘i ai ma 0 ‘e 36.  ‘Ua līpotia ‘e silia ma le 2 undecillion rubles po’o tupe Lūsia, ‘o lo’o nofo ‘aitālafu ai le Google ‘iā Lūsia ‘ina ‘ua musu ‘e totogi ni fa’asalaga lea lā ‘ua fa’aputuputu ai lava, ‘ona ‘o le polōkaga ‘e le Google ‘o ālā ata ‘i luga ‘o le YouTube ‘e lagolago ‘i le mālō ‘o Lūsia. 

‘O le isi ta’uga ‘o lea tupe aofa’i, ‘e 20 piliona turiliona turiliona tālā Amerika.  ‘Ua sili atu le telē ‘o lenei tagi nai lō le aotelega ‘o le tamāo’āiga tu’ufa’atasi ‘o le lalolagi, po’o le GDP ‘e 110 turiliona tālā ‘Amerika.  ‘E tusa ai ma fa’amaumauga ‘a le Monetary Fund.  ‘O le tau ‘o le Alphabet lea ‘e pule fa’amalumalu ‘i le Google, ‘e tusa ma le 2 turiliona tālā ‘Amerika.  ‘Ina ‘ua fesiligia se so’o’upu ‘a le mālō ‘o Lūsia ‘e uiga ‘i lea tagi ‘ua faia ‘e lō lātou mālō ‘e fa’asaga ‘i le Google na ia ta’utino ai, ‘e o’o lava ‘iā te ia na te lē iloa ta’u le aofa’iga ‘o le tupe ‘ae telē lava le uiga, ‘ona ‘e lē tatau ‘i le Google ‘ona pā puipui ‘i le ‘au fa’asalalau ‘a Lūsia ‘i luga ‘o ā lātou ‘upega ‘o feso’ota’iga.

 Link to RNZ (article) translated by Savelina Kasiano:https://www.rnz.co.nz/news/national/532545/man-arrested-after-young-girl-indecently-assaulted-at-manukau-park

Ata: Justin Sullivan/Getty Images via CNN Newsource