Manatu le NASA ‘e ono a’afia le ta’aviliga ‘o le lalolagi ‘i le fa’atānoa ‘o le Three Gorges Dam ‘a le mālō Saina.

‘Ua fa’ailoa mai ‘e le Fa’alāptopotoga ‘o Su’esu’ega ‘o le Vāteatea ‘a le Mālō ‘Amerika, ‘o le NASA, ‘o le fa’atānoa tele ‘a le mālō Saina, lea ‘e fa’aigoaina ‘o le Three Gorges Dam, ‘e ono tuai ai le ta’aviliga māsani ‘o le lalolagi ma ‘u’umi ai aso ‘e pei ‘ona iai nei.

‘O le fa’atānoa tele lenei ‘a Saina, ei le itūmālō ‘e igoa ‘o Hubei Province ‘i le ‘ōgātotonugalēmū ‘o lea atunu’u.  ‘E tusa ma le 40 turiliona lita ‘o le suāvai ‘e mafai ‘ona ofi ai totonu ‘o lenei fa’atānoa, po’o le dam, ma ‘o lona fa’atumuina, ‘e mafai ‘ona se’e ese ai le kelope mai lona ta’aviliga māsani, ma fa’aopoopo ai le 0.06 microseconds ‘i le ‘umi ‘o le aso ‘e tasi.

‘O lenei fa’atānoa vai ‘e aofia ai le vaitafe ‘o le Yangtze River le vaitafe aupito ‘i umī ‘i le atu ‘Āsia, ma ‘e sili atu ‘ona telē le aofa’iga ‘o le ‘eletise ‘e mafai ‘ona gaosia mai ai, nai lō se isi lava fa’atānoa ‘i le lalolagi ‘ātoa.

‘E talitonu le NASA ‘a ‘Amerika, ‘o le fa’aga’oia ‘o lenei fa’atānoa tele, ‘e āfāina ai le ta’aviliga māsani ‘o lo tātou lalolagi.  ‘O le Three Gorges Dam ‘a Saina na tatala ‘i le tausaga ‘e 2012, ‘ina ‘ua ‘uma tausaga ‘e 18 sā fausia ai.

Link to RNZ (Article) translated by Lauano Ilaoa: https://www.xatakaon.com/nature-and-environment/nasas-done-the-numbers-china-can-slow-the-earths-rotation-by-filling-up-the-three-gorges-dam

ATA: