Maliu Hulk Hogan ‘i le 71 ‘o ona tausaga

Na fa’alauiloa mai ‘e le World Wrestling Entertainment ‘i le taeao ‘analeilā, le maliu ai o le ali’i pi’i fa’apolōfesa ‘iā Hulk Hogan ‘i le 71 ‘o tausaga ‘o lona soifua, ‘o se tasi na ta’uta’ua ‘i fa’afiafiaga ‘a ‘Amerika ‘aemaise pi’iga fa’apolōfesa, na iloga ai ‘i le lalolagi ‘atoa.

Na soifua mai ‘i lona suafa Terry Gene Bollea ‘i Georgia ‘i le Aso 11 ‘Aukuso, 1953. Sā ia lagolagoina mālosi fo’i Donald Trump ‘e tusa ai ma lipoti.

Na maoa’e lona tūla’i mai ‘i le fa’alauiloaina ‘o le pi’iga ‘i le vaitau ‘o le 1980, ma sā ia fesoasoani ‘e suia manatu ‘o tagata ‘e uiga ‘i le ta’aloga, ‘ona sā tele ‘ina fa’atauemu iai, na ‘avea ai ma ta’aloga ‘e fiafia iai tagata matamata.

ATA: Hulk Hogan during his Hulkamania Tour in Australia in 2009. (Paul Kane/Getty Images)