Māe’a le fa’atautoga ‘o Donald Trump

‘O lo’o laualuga ‘i tala fou ma mea tutupu ‘i le lalolagi, le sauniga na fa’atautōina ai le ali’i ‘o Donald Trump ‘i Uōsigitone, ‘e fai ma Peresetene lona 47 ‘o le Mālō ‘o le Iūnaite Setete ‘o ‘Amerika.

‘I lana saunoaga ‘autū ‘i le māe’a ai ‘o lona fa’atautōga, na polōmisi ai le ali’i peresetene, ‘o le ‘ā matuā fa’amālosia lava gāluega ‘o le puipuiga ‘o le laina tuā’oi ‘o ‘Amerika ma le atunu’u ‘o Mexico.
‘E lē gata ‘i lea ‘e tele nisi poloa’iga fa’a-peresetene ‘ua ia faia ‘e fa’atino ai nisi ‘o folafolaga sā ia faia ‘a’o lumana’i ai le pālota tele ‘iā Nōvema.

‘O le fa’alua ai lenei ‘o taimi ‘ua tūla’i mai ai le ali’i pilionea lenei ‘o Donald Trump ‘e fai ma Peresetene ‘o le Iūnaite Setete.

ATA: Peresetene Donald Trump ‘i lona fa’atautoga