Fuafua ‘Ausetālia ‘e fa’amālosia ni puipuiga fa’aletūlāfono mō le Poto fa’afōliga ‘o masini (AI)

Na saunoa le palemia ‘o ‘Ausetālia, Anthony Albanese, ‘o le ‘ā fa’atūina ‘e ‘Ausetālia, se ‘au’aunaga fou ‘e va’ava’aia le saogalēmū ‘o le AI po’o le poto fa’afōliga ‘o masini komipiuta, mā ‘o le ‘ā nafa ma le fa’atinoga ‘o ‘auala ‘e fa’atonutonu ma tulimata’i ai le televave ‘o le tuputupu a’e ‘o lea matā’upu tau tēkonolosi.

‘E ao ‘i kamupanī mō le AI ‘ona usita’ia ta’iala fou mō le puipuiga lea ‘o le ‘ā fa’amālosia ai ia itū’āiga kamupanī ‘uma, pe ‘ā o’o ‘ina tatala a lātou kamupanī ‘i totonu ‘o ‘Ausetālia.  ‘Ua fa’aopoopoina le popole ma le atugalu ‘o le lalolagi, ‘i le paoa ma le mālosi’aga ‘o le poto fa’afōliga ‘o masini komipiuta, ‘ona ‘o osofa’iga ‘i feso’ota’iga fa’atēkonolosi na aofia ai kamupanī ‘e pei ‘o le OpenAI fa’apea ai ma le Anthropic.

Na saunoa Albanese, ‘o la lātou matāfaioi, ‘o le fa’atūlaga ‘o le AI, ‘ae lē ‘o le fa’atūlaga ‘e le AI ‘o ‘i lātou.  ‘O fuafuaga ‘o le ‘ā fa’atino, ‘e aofia ai le fa’amālosia ‘o le faia ‘o līpoti ‘e fa’atatau ‘i osofa’iga po’o ni āmioga ‘e solia ai le puipuiga mai le fa’aaogāga ‘o le AI, fa‘apea fo‘i ma le faia ‘o iloiloga tūto‘atasi ‘o fa‘ata‘ita‘iga fou ma sili ‘ona alualu ‘i luma ‘o le tēkonolosi ‘o le AI.  ‘O lo’o aofia le OpenAI ‘i le fauga ‘o se nofoaga ‘autū telē ‘i totonu ‘o Sini.

Link to RNZ (Article): https://www.rnz.co.nz/news/world/2498999/australia-to-adopt-mandatory-ai-safeguards

IMAGE/ATA: Anthony Albanese / Facebook