Filifilia Kamala Harris ma Tim Walz e tauva mo le Democrats

‘Ua filifilia ‘e Kamala Harris le kōvana ‘o Minnesota Tim Walz lā te taufetuli fa’atasi ‘i le faigāpālota ‘e ‘avea ma sui peresetene tauvā ‘e fesoasoani ‘e fa’atauānau tagata pālota papa’e. 

‘E 60 tausaga le matua ‘o Walz, sā ‘i le militeli ‘a le Iūnaite Setete ma sā galue fo’i ‘o se faiā’oga.  ‘O le 2018 na filifilia ai ‘e ‘avea ma kōvana ‘o Minnesota.  ‘O le ‘āmataga ‘o le vāiaso nei na filifilia āloa’ia ai Harris, le sui Peresetene ‘o le Iūnaite Setete, ‘e ‘avea ma sui tauvā ‘a le Democrats mō le faigāpālota ‘a le Iūnaite Setete mō le tofiga peresetene.  ‘Ua ‘avea ai Harris ma tama’ita’i lanu muamua ‘e ta’ita’ia  se vāega fa’a’upufai tele ‘e tauvā mō le ta’ita’i ‘o le atunu’u.  ‘O Harris na ‘avea ma tama’ita’i muamua ‘i le tofiga sui peresetene ‘o le Iūnaite Setete.  Na fa’aalia ‘i se pepa ‘o fa’amatalaga ‘a le Democrats, ‘e 99 pasene ‘o sui tauvā sā pālota mō Harris. 

Link to RNZ (Article) translated by Savelina Kasiano: https://www.rnz.co.nz/news/world/524357/kamala-harris-picks-minnesota-s-tim-walz-for-vice-president

ATA: Vice President Kamala Harris and Governor Tim Walz (kamalaharris.com).