Faitioina osofa’iga ‘a ‘Isarā’elu, māliliu ai tusitala ‘a le Al Jazeera ‘i Gaza

‘Ua fa’aleo le tele ‘o le lē fiafia ‘o atunu’u ‘i le li’o ‘o Mālō ‘Aufa’atasi fa’apea fa’alāpotopotoga ‘o tusitala ‘ona ‘o se osofa’iga ‘a ‘Isarā’elu na fasiotia ai le ‘au tusitala ‘a le Al Jazeera ‘i Gaza.

‘E 28 tausaga le matua ‘o Anas al-Sharif, ‘o se tasi ‘o tusitala iloga ‘a le Al Jazeera na māliliu fa’atasi ma nisi tusitala se to’afa ‘i lea osofa’iga ‘i le Aso Sā.  Na tā’ua ‘i se pepa ‘o fa’amatalaga ‘a le militeli ‘a ‘Isarā’elu, ‘e fa’apea ‘o Sharif sā ta’ita’iina se ‘au’aunaga po’o se vāega fa’atelolisi ‘a le Hamas.  Na fa’aalia fo’i ‘e le fa’atonu ‘o le falema’i Gaza City, ‘o le tusitala lona ono, Mohammed Al-Khaldi, na fasiotia ai fo’i ‘i le osofa’iga ‘a ‘Isarā’elu, lea sa fa’atūtū tonu ‘i le ‘au tusitala ‘a le Al Jazeera. 

Na fa’aalia ‘e le Al Jazeera, ‘o a lātou tagata faigāluega ‘e to’afā, ‘o lo’o aofia ai ma ni ‘au pu’eata se to’atolu, ma na fasiotia ‘ina ‘ua osofa’ia lo lātou fale’ie na fa’atū fa’apitoa mō le ‘au tusitala ‘i fafo ane ‘o Al-Shifa. 

‘E tāofia ‘e ‘Isarā’elu tusitala mai atunu’u ‘i fafo, ona ulufale atu ‘i totonu ‘o Gaza vaganā ai ni malaga ‘e matuā pūlea lelei ‘e le militeli. 

Link to RNZ (Article) translated: https://www.rnz.co.nz/news/world/569689/un-media-groups-condemn-israel-s-deadly-strike-on-al-jazeera-team-in-gaza

ATA: AFP / Omar Al-Qattaa (RNZ).