Faia su’esu’ega ‘a Senatoa ‘a Amerika ‘i le molimau ‘a RFK Jr ‘e uiga ‘i lana malaga ‘i Sāmoa

‘Ua ‘amata su’esu’ega ‘a Senatoa ‘e to’alua ‘a le Democrats ‘a Amerika, Ron Wyden ma Angela Alsobrooks, ‘e fa’amautinoa pē na tu’uina atu ‘e le Failautusi ‘o le Soifua Mālōlōina ‘a ‘Amerika Robert F Kennedy Jr, ni fa’amatalaga sesē ‘i le Konekeresi ‘e uiga i lana malaga ‘i Sāmoa ‘i le 2019, ‘a’o le’i tūla’i mai le fa’ama’i o le mīsela lea na māliliu ai le to’a 80 o tagata ‘i Sāmoa, na to’atele i tamaiti.

Na tā’ua ‘e Kennedy, ‘e lēai se so’otaga o lana malaga ma tui puipui, peita’i, ‘ua alia’e mai se tusi na ia ‘auina atu ‘i le Palemia ‘o Sāmoa ‘i lenā taimi Tuilaepa Sailele Malielegaoi, ‘o lo’o tā’ua so’o ai tui puipui. ‘Ua talosagaina nei ‘e Senatoa ia e to’alua fa’amaumauga ma feso’ota’iga ‘uma ‘e fa’atatau ‘i lea malafga mai le fa’alāpotopotoga ‘a le Children’s Health Defense, ma tu’uina atu le aso 4 o Tēsema ‘e tali mai ai. Peita’i, ‘ua tē’ena ‘e le Matāgāluega o le Soifua Mālōlōina ‘a Amerika tu’ua’iga ‘e fa’apea na pepelo Kennedy ‘i le Konekeresi. ‘O lo’o fa’aauau su’esu’ega ‘e fa’amautinoa ai le moni ‘o nei tu’ua’iga.

Link to 1News (Article): https://www.1news.co.nz/2026/11/13/us-senators-probe-rfk-jrs-samoa-trip-testimony-after-documents-emerge/

IMAGE/ATA: Robert F. Kennedy Jr. shakes hands with then Prime Minister of Samoa Tuilaepa Sailele Malielegaoi in Mulinu’u, Samoa, in 2019. Photo by Misiona Simo/Samoa Observer