Fa’ateleina le osofa’i ‘e le ‘au Kōrea ‘i Mātū, tagata mau’oloa ‘i crypto currencies

‘E silia ma le 2 piliona tālā po’o le 1.49 piliona pauni, ‘ua gaoia ‘e tagata Korea ‘i Mātū ‘e mafai ‘ona lātou tatalaina fa’asolitūlāfono masini ma teugātupe (hackers) ‘i lenei tausaga, ma ‘e atagia lē fa’atūtū ‘o a lātou gaioiga ‘i tagata ‘e pito tetelē o lātou tamāo’āiga ‘i crypto currencies. 

‘O ni fuainūmera taumate ‘a Mālō ‘Aufa’atasi, ‘ua fa’ailoa ai, ‘o se matāti’a lea fuainūmera ‘o gaoiga ‘a hackers ‘ona pe tusa ma le 13 pasene ‘o le aotelega ‘o le tamāo’āiga po’o le GDP ‘a Kōrea ‘i Mātū, ‘e mai ‘i ia itū’āiga ‘o faiga fa’asolitūlāfono.  ‘E iai a lātou vāega fa’apitoa ‘e faia ia gaoiga ‘e pei ‘o le Lazarus Group, sa fa’apitoa lava a lātou gaioiga nei ‘e osofa’i ai kamupani ‘o cryptocurrency ma ‘ia tetelē lava ni gaoiga ‘e mafai ‘ona o lātou fa’atinoina ai. 

Na fa’aalia ‘e le ‘au su’esu’e ‘o le kamupani ‘a le Elliptic, ‘ua fa’aopoopoina lava le fa’atūtū ‘o osofa’iga ‘i tagata mau’oloa ‘i cryptocurrency ‘ona ‘e lē lava ta’iala ‘e puipuia ai a lātou pisinisi.  Na fa’aalia ‘e lālā mo le puipuiga ‘i atunu’u ‘i sisifo, ‘o tupe ia ‘e gaoia, ‘o lo’o fa’aaogāina ‘e fa’atupe ai ‘au’upega niukilia ‘a Kōrea ‘i Mātū ma ana polokalame ātīna’e ‘o meatau fa’atonutonu mamao.  ‘O le gaoiga pito telē lava ‘i cryptocurrency mai se tagata ‘e to’atasi ‘i lenei tausaga, ‘e $100 miliona.

Link to BBC World News (Article) translated: https://www.bbc.com/news/articles/cwy8z7wxe03o

ATA: BBC.