Fa’amāvae le palemia ‘o le mālō ‘o Kānata ‘o Justin Trudeau

‘Ua fa’ailoa mai ‘e le alii palemia ‘o le mālō ‘o Kānata, ‘o Justin Trudeau, lona fa’amoemoe ‘e fa’amāvae mai lona tofi, ina ‘ua lata ‘i le sefulu tausaga ‘o tūla’i mai ‘i le ta’ita’iga ‘o le mālō ‘o lona ātunu’u. ‘O se līpoti mai le Associated Press ‘i le ‘a’ai ‘o Toronto, na tā’ua ai le talia ‘e le ali’i palemia, ‘o le mana’o ‘o nisi ‘o sui ‘āuai ‘o lana Vāega Fa’a’upufai, ina ‘ia fa’ase’etuāgalu ‘o ia mai le tofi ta’ita’i, a’o le’i faia faigā pālota ‘i se taimi ‘o le tausaga nei.

Na tā’ua ‘e le ali’i palemia ‘iā Justin Trudeau, ‘o le ‘ā lē mafai ‘ona ‘ato’ato’a le fa’atinoina ‘o ona tiute fa’ata’ita’i, pe ‘āfai ‘e tele le mau faitīoga mai totonu ‘o lana ia lava pātī fa’a’upufai ‘o mālō ‘o lo’o tū nei ‘i le foe ‘i lenei atunu’u tele ‘o Kānata. Na ia fa’aalia, ‘o le ‘ā ‘avea pea ‘o ia ma palemia lē tūmau, se’ia o’o ina filifilia ‘e le pātī se isi ‘ai fou ‘i nai māsina ‘o lumanai nei. ‘O lea fo’i ‘ua tāofia ma tolopō ai taualumaga ‘o le Palemene ‘o Kānata, ina ‘ia lē mafai ai ona faia se lafo ‘o le lē fa’atuatuaina ‘o ia ma lana faigāmālō. 

Link to Associated Press (Article) translated by Lauano Ilaoa: https://apnews.com/live/justin-trudeau-canada-prime-minister

ATA:  AP