‘Atoa le selau tausaga ‘o le Ali’i Peresetene ‘Amerika ‘o Jimmy Carter 

‘O le asō, le aso muamua ‘o ‘Oketopa, ‘ua ‘atoa iai le tasi le selau tausaga ‘o le soifua, ‘o le ali’i sā ‘avea muamua mā Peresetene ‘o le Iunaite Setete ‘o ‘Amerika, ‘o Jimmy Carter.

‘E pei ‘ona silafia, ‘o le tausaga ‘e 1976 na filifilia ai Jimmy Carter ‘i le tofi Peresetene ‘o ‘Amerika, mā ‘e na ‘o le tasi lava lana nofoa’iga.

Na fa’aee ‘iā te ia le fa’ailoga tauāloa fa’alevā’omālō, ‘o le Nopele ‘o le Filemu, po’o le Nobel Peace Prize, ‘i le tausaga ‘e 1982 ‘ona ‘o ana taumafaiga ‘e fa’amautū ni feagaiga mō le filemu ‘atoa ma le fa’atāuaina ‘o aiā tatau ‘a tagata.

‘Ua fa’aalia mai ‘e fa’apea, ‘o Jimmy Carter, ‘o le Peresetene lea aupito ‘umi ‘o soifua pea ‘o le Iunaite Setete ‘o ‘Amerika.

ATA: Jimmy Carter (FOX 5 Atlanta) / Adapted by SCR.