A’afia le Qantas ‘i le osofa’iga fa’atēkōnolosi, 6 miliona fa’amaumauga ‘ua lamatia

‘Ua fa’aalia ‘e le kamupanī va’alele ‘a le Qantas le tele ‘o fa’amaumauga ‘o tagata ‘e atagia mai le ono gaoia mai fa’amaumauga ‘a le kamupanī ‘i le taimi ‘o le osofa’iga pei ‘ona fa’alauiloa ‘e le Qantas ‘i le Aso Gafua.  Na fa’aalia ‘e le kamupanī, ‘e 6 miliona tagata ‘e iai fa’amaumauga ‘i le ‘au’aunaga lea ‘ua āfāina, na fa’aaogā ‘e le ‘ōfisa ‘o feso’ota’iga ‘a le kamupanī va’alele.

Na tā’ua ‘e se so’o’upu ‘a le Qantas, ‘o le to’atele lava ‘o tagata ‘ia ‘e a’afia, ‘o ‘Ausetālia ‘ae iai fo’i ma isi ‘i fafo atu, ‘e ui ‘e le’i fa’amaonia se fuāinūmera.  ‘O le Qantas ‘e iai ana malaga ‘i Uēligitone, Queenstown, Kalaiesetete ma ‘Aukilani.  ‘E le’o a’afia le Jetstar pei ‘ona tā’ua ‘i līpoti.

Na tā’ua ‘e se so’o’upu ‘a le CyberCX, sa iai lapata’iga mai le Iunaite Setete ‘i le fa’ai’uga ‘o le vāiaso, sa taumafai vāega ‘o le Scattered Spider ‘e osofa’i ‘au’aunaga ‘o va’alele.

Link to RNZ (Article) translated: https://www.rnz.co.nz/news/business/565729/qantas-hit-by-cyber-attack-6-million-customer-records-at-risk-of-data-breach

ATA: WILLIAM WEST/AFP (RNZ).