45 tausaga ‘o le Mālō Tūto’atasi ‘o Kiribati

‘O le fa’ai’uga ‘o le vāiaso tālu ai, na ‘āmata ai sauniga fa’amanatu ‘a le mālō ma tagata ‘o le atumotu ‘o Kiribati, ‘e fa’ailoga ai le 45 ‘o tausaga talu ‘ona maua lō lātou mālō tūto’atasi.

‘Ae ‘o le māsina fou, ‘o le ‘ā alo ai lea atunu’u mō le lātou faigā pālota tele ‘e filifili ai sui ‘o lō lātou Palemene, le Maneaba ni Maungatabu.

‘O le Aso 12 ‘o Iūlai ‘i le tausaga ‘e 1979 na maua ai le mālō tūma’oti ‘o Kiribati.

‘E tolu vāiaso ‘ua fuafuaina ‘e le mālō Kiribati, ‘e fa’agāsolo ai polokalame ‘o lō lātou tūto’atasi ‘i lenei tausaga, ‘e aofia ai ta’aloga, ‘o tauvāgā pese ma siva fa’aleaganu’u ‘ātoa ma se tauvāgā tausala.

ATA: Sāmoa Capital Radio (file)