Vali ‘e le Silver Ferns le Taimane ‘a ‘Ausetālia

‘I netipolo fa’alevāomālō, sā mata’ina fo’i le mālō ‘o le Silver Ferns ‘a Niu Sila ‘i le Taimanae ‘a ‘Ausetālia, ‘i le lā tā’aloga faitauina muamua mō le Ipu ‘o le Constellation Cup sā faia ‘i Uēligitone anapō.

‘O ‘ai ‘o lea tā’aloga ‘e 64 Niu Sila ‘i le 50 ‘a ‘Ausetālia, ‘o le ‘au mālosi lenei ‘a ‘Ausetālia, ‘e pei ‘ona silafia, ‘o lo’o ‘ūmia le siamupini ‘o le lalolagi ‘i le tā’aloga netipolo, mā ‘o se taimi muamua lea ‘i totonu ‘o tausaga ‘e 14 ‘ua mavae, ‘ua maoa’e ai se mālō ‘o le Silver Ferns ‘iā ‘Ausetālia.

‘E fā tā’aloga ‘o le series lenei ‘i le vā ‘o ‘au ‘e lua, mā ‘o le tā’aloga lona lua ‘e faia lea ‘i ‘Aukilani ‘i le Aso Lulu, ‘a’o isi tā’aloga ‘e lua ‘e faia ‘i Perth ma Melepone ‘i ‘Ausetālia.

Link to RNZ (article) translated by Lauano Ilaoa: https://www.rnz.co.nz/news/sport/531366/silver-ferns-buoyant-after-stunning-australia-we-ve-always-had-it

ATA: Marty Melville