‘Ua fā (4) mua ‘o le team New Zealand

‘I Barcelona ‘i Sēpānia, ‘o lea ‘ua fā (4) mua soso’o ‘o le va’afailā ‘o le TEAM NEW ZEALAND, ‘i tū’uga ‘o lo’o fa’agāsolo ai mō le Ipu ‘o le Americas Cup ‘i le vā ma le va’a ‘o le Ineos BRITANNIA mai Peretānia.

‘E nā ‘o le tasi le tū’uga na faia ‘i le vaveao analeilā, ‘a’o taeao ‘o le aso mālōlō ‘e lēai se tū’uga ‘e faia ai.

‘Ae ‘o le tūlaga lea ‘ua iai, ‘ua 4 mua ‘o Niu Sila ‘ae lēai se mua ‘o Peretania.

Peita’i na fa’ailoa mai nei ‘e le kapeteni ‘o le BRITANNIA, ‘o Ben Ainslie, ‘i se līpoti ‘a le Reuters,  ‘o lo’o mālosi lona talitonuga ‘e tatau ‘ona lelei lo lātou taumafai ‘i isi tū’uga ia ‘o lo’o totoe.

‘O le va’a ‘e muamua maua ona mua ‘e fitu ‘i le series lenei, ‘o le va’a lenā ‘e mālō ‘i le Ipu ‘o le Americas Cup.

Link to Reuters (Article) translated by Lauano Ilaoa: https://www.reuters.com/sports/new-zealand-defeat-britain-take-4-0-americas-cup-lead-2024-10-14/

ATA: Sailing – 37th America’s Cup – New Zealand v Britain – Barcelona, Spain – October 12, 2024 Emirates Team New Zealand and INEOS Britannia in action during race three REUTERS/Albert Gea