Tutusa ‘ai ‘o le ‘a ‘uma le taimi, a’a le sala, manumālō le Manusina ‘iā ‘Ausetālia

‘O se fiafiaga tele mo le ‘au ‘a tama’ita’i ‘o le atunu’u le Manusina XV, ‘ina ‘ua manumālō ‘i le ‘au ‘a tama’ita’i ‘a ‘ Ausetālia A ‘i le Aso Gafua 16 ‘o Sētema. ‘O lea ta’aloga faitaulia na faia ‘i le malae ‘o le Apia Park Stadium, ma sā manumālō ai Sāmoa ‘i ‘ai ‘e 20 ‘i le 17.

‘O se ta’aloga mata’ina ‘i le māimoa ‘a Sāmoa, ‘ina ‘ua tā le ‘afa ‘o tutusa ‘ai ‘i le ta’i 12. ‘Ae ‘i le ‘afa mulimuli na toe tutusa ai ‘au ‘e lua ‘i le ta’i 17 ‘ae ‘o le ‘a ‘uma le taimi. ‘O se sala na mauaina ‘e Sāmoa, na a’aina ma ‘ova ai ‘ai ‘i le 20 (+3), ma na sola ai loa Sāmoa ma le manumālō.

ATA: Manusina XV / FB.