Tūlaga tolu le Manu Sāmoa ‘i le World Rugby Pacific Nations Cup 2024

‘Ua tauāluga taumafaiga ‘a le Manu Sāmoa ‘i le ta’amilosaga ‘o le Ipu ‘o le Pāsefika ‘a le World Rugby mo lenei tausaga 2024. ‘O le lā ta’aloga ma le ‘au ‘a ‘Amerika ‘i le afiafi ‘o le Aso To’ona’i (taimi Niu Sila) na manumālō ai Sāmoa ‘i ‘ai ‘e 18 ‘i le 13 ‘a ‘Amerika ‘i le malae ‘a Hazono Rugby Stadium ‘i Osaka Iāpani.

‘O taumafaiaga ‘a Sāmoa ‘i le ta’amilosaga ‘i lenei tausaga, na faiā’ina ai muamua ‘iā Fiti, manumālō ‘iā Tonga, ‘ae malolo ‘iā Iāpani ‘i le Semi-Final, lea na se’e mai ai ‘i le sā’iliga ‘o le tūlaga tolu ‘o le ta’amilosaga ‘i lenei tausaga.

‘E momoli le fa’afetai ma le fa’amālō ‘i le susuga ‘i le faiā’oga, le pūlega, le kāpeteni fa’apea tama tāa’alo, ‘o alo ma tamafānau ‘a Sāmoa, ‘i le taumafaiga ‘o lenei tausaga. Fa’afetai le lotonu’u, fa’afetai le tautua mō Sāmoa.

ATA: Manu Sāmoa / FB.