Tolaulau ‘au filifilia ‘o le Lakapi Supa Pasefika 2025

‘Ua fa’alauiloa ‘au ‘ua filifilia ‘a Niu Sila mō le Lakapi Supa 2025, ‘o le Hurricanes, Crusaders, Chiefs, Moana Pasifika ma le Highlanders fa’apea ai ma le ‘au siamupini ‘a le Blues.  ‘E to’aiva tama fou ‘ua filifilia mō le Hurricanes ‘i le tausaga fou.  ‘O Jordie Barrett ‘o le ‘ā ta’alo ‘i Aialani mō le tausaga. ‘Ua tu’ua fo’i ‘e TJ Perenara fa’apea ma Salesi Rayasi le Hurricanes.

Mo le Moana Pasifika, ‘e to’a 14 tama fou ‘ua filifilia, lea ‘e aofia ai ma Ardie Savea, Jackson Garden-Bachop ma Losi Filipo ma le alii o Solomon Alaimalō lea sa ta’alo mo le tausaga ‘i le West Tigers ‘i le Lakapi Liki.   ‘O le faiā’oga fou ‘a le Highlanders ‘o Jamie Joseph, ma ‘ua to’atele fo’i tama fou mō le laina ‘i luma, ‘e pei ‘o Sosefo Kautai, Josh Bartlett ma Soane Vikena lea sa ‘i ‘Aukilani fa’apea  TK Howden sa ‘i le Hurricanes, Veveni Lasaqa ma Lui Naeta.  ‘O Brodie McAlister sa ‘i le Crusaders ‘ua ‘i le lisi a le Chiefs tā’a’alo fa’atasi ai ma Samisoni Taukei’aho ma Bradley Slater.  ‘O le ali’i ‘Ausetālia ‘o James O’Connor sa ta’alo ‘i le Wallabies, ‘ua filifilia ‘e Rob Penney ‘i le Crusaders.  Fa’atasi atu ‘i ai ma Kyle Preston mai Uēligitone.  ‘O isi tama fou mō le Crusaders ‘e aofia ai Xavier Saifoloi ma Aki Tuivalala.    Mō le Blues, ‘ua lē toe iai Soane Vikena, James Thompson, Akira Ioane, Rob Rush, Lucas Cashmore, Bryce Heem, Kade Banks ma Caleb Tangitau.

Link to RNZ (Article) translated by Savelina Kasiano: https://www.rnz.co.nz/news/sport/533535/super-rugby-pacific-2025-hurricanes-crusaders-chiefs-highlanders-blues-moana-pasifika-named

ATA: Andrew Cornaga/www.photosport.nz