Toe siamupini fo’i le Panthers ‘i le NRL

‘I lakapī liki, ‘ua toe manumālō fo’i le ‘au ‘a le Penrith Panthers  ‘i le siamupini ‘o le ta’amilosaga ‘o le NRL ‘i lenei tausaga, ‘ina ‘ua manumālō ‘i le lā su’egāfusi ma le ‘au ‘a Melepone ‘anapō.

‘O ‘ai ‘o lea tā’aloga ‘e 14 Panthers ‘i le 6 ‘a le Storm, ‘o lona fā ai lenei ‘o tausaga soso’o ‘o siamupini pea le Panthers ‘i le NRL, ma ‘ua fa’aalia ai ‘o le tasi lenei ‘o ‘au aupito lelei ‘ua tūla’i mai ‘i le ta’amilosaga ‘o lakapī liki ‘a ‘Ausetālia, ‘i totonu ‘o le 60 tausaga ‘ua mavae atu nei.