Toe matala le avanoa ‘e fusu ai Joseph Parker

‘Ua toe matala le avanoa ‘e toe fo’i ai Lupesoli’ai La’auli Joseph Parker ‘i le maea fusu.  ‘O le māsina ‘o Novema, na māua ai se su’esu’ega ‘o se fuālā’au na fa’aaogāina ‘e Parker ‘e positive pē fa’apea ‘e lē fa’atagaina ‘ona ia fa’aaogāna, ‘ina ‘ua māe’a la lā fusu’aga ma Fabio Wardley lea na faiā’ina ai ‘i le ta’amilosaga lona 11. 

Na tete’e mālosi Parker ‘e fa’apea ‘e lēai sana gāioiga sesē na faia ma na ‘umi lava le su’esu’ega na faia ‘e le UKAD po’o fa’alāpotopotoga ‘a Peretānia ‘e tete’e ‘i le fa’aaogāga ‘e tagata tā’a’alo ‘o ni fuālā’au fa’asāina.  Na tāofia mai ai lava, ma lē mafai ‘ona toe faipelē ‘ae lē gata ‘i lea, ‘ua fesiligia ai lona igoa lelei. 

Na fa’aalia le agaga fiafia ‘o Parker ma ia fa’amaonia ai, ‘o lea ‘ua ‘ave’esea lea tapu, mā ‘o le ‘ā mafai ‘ona toe faipelē. ‘Ua fautuaina fo’i ‘o ia ‘e fa’apea, ‘e lē mafai ‘ona faia nisi ana fa’amatalaga ‘i le taimi nei, se’i fa’amāe’a au’ili’iliga ‘o le matā’upu.  Na ia fa’afetaia ai tagata ‘uma ‘o lo’o lagolagoina ‘o ia. 

Link to RNZ (Article): https://www.rnz.co.nz/news/sport/894654/boxing-joseph-parker-cleared-to-fight-again

IMAGE/ATA: Joseph Parker Facebook