Toe fo’i mai ‘i tua le One NZ Warriors ‘e mālō ‘i le Sharks

‘E tā le ‘afa ‘o 4 le Warriors ‘i le 22 ‘a le Sharks, ‘ae ‘i le ta’aloga mulimuli ‘a le ‘au lakapī liki ‘a Niu Sila, le One NZ Warriors ‘i le pō ‘o le Aso To’ona’i, na va’aia ai le toe taumafai mālosi mai ‘i tua le Warriors, ‘e fao le mālō mai le ‘au ‘a le Cronulla Sharks.

Na toe fo’i mai ‘i tua le Warriors ‘e ‘ave le mālō mai ‘i ‘ai ‘e 30 ‘i le 28. ‘E tā le ‘afa ‘o 4 le Warriors ‘i le 22 ‘a le Sharks. ‘Ae na toe ta’itā’ia mai ‘e le susuga ‘iā Shaun Johnson lana ‘au, ‘e toe fa’atupula’ia ā lātou ‘ai, ma manumālō ai lava ‘i ‘ai ‘e 30 ‘i le 28.

‘Ua tauāluga ai ma taumafaiga ‘a le Warriors mo le ta’amilosaga liki ‘a le NRL mo le 2024.

ATA: One NZ Warriors / FB.