Toe fa’atau ‘e nisi, ni pepa ulufale ‘o le ta’aloga ‘a le Warriors

Na fa’ailoa le fa’anoanoa ‘o nisi ‘o tagata na lē maua ni a lātou pepa ulufale mō le ta’aloga ‘a le Warriors ‘i le fa’ai’uga ‘o le vaiaso nei ma le Dolphins, ‘ina ‘ua va’aia ‘i luga ‘o le Trade Me nisi ‘o pepa ulufale ‘o le ta’aloga, ‘ua toe fa’atau atu ‘i ni tau taugatā ‘e o’o atu lava ‘i le $1200, ‘i nofoa ‘i le fale matamata ‘i le itū i sasa’e ‘o le malae ta’alo.  ‘E le’o tā’ua ‘e le tagata lea, pe ‘aiseā ‘ua toe fa’atau ‘ese atu ai ana pepa ‘e matamata ai ‘i le ta’aloga. 

Na’o ni nai minute na fa’atau atu ai pepa ‘o le ta’aloga ‘i le Aso Lua, ‘ae māe’a ‘uma.  ‘E iai le isi tagata ‘ua ia toe fa’atau atu ni ana pepa se lua ‘i le ta’i $500, ma ‘o nofoa ia, ‘e na’o le ta’i $25.  ‘Ua tele faitioga ‘ua fa’aleo ‘e tagata ‘i ia tagata ‘ona ‘o le tau ‘ua lātou toe fa’atau atu ai ia pepa ulufale. 

‘O le tele ‘o le mana’oga mō pepa ulufale mō le ta’aloga ‘i le Aso To’ona’i, ‘ua tā’ua le ono toe ūna’ia mālosi ai ‘o le pūlega ‘o le lakapi liki, ‘ina ‘ia sifi le ta’aloga fa’ai’u ‘a le Warriors ‘i lona malae ‘autū, āga’i ‘i le Eden Park, lea ‘e mafai ‘ona ofi ai tagata ‘e 50,000.

Link to RNZ (Article): https://www.rnz.co.nz/news/sport/1312000/warriors-fans-furious-as-playoff-tickets-resurface-at-huge-mark-ups

IMAGE/ATA: Warriors Facebook