Toe fa’aopoopo isi pine mō le Pasefika

‘Ua toe fa’aopoopo isi pine mō atumotu ‘o le Pasefika ‘i Ta’aloga ‘a Mālō ‘o le Taupulega.  Na maua ‘e Sāmoa le pine siliva ‘i le si’isi’i u’amea mamafa ‘a ali’i ‘i le 71 kilokalama.  Na si’i ‘e John Lautafi le 142 kilokalama ‘i le si’i malele ma fa’alēaogāina ai se matāti’a ‘o ia ta’aloga sa iai ‘o le 172 kilokalama ‘i le si’i mālōlō, ma tūla’i mai ai ‘i le tūlaga lua.  Na tūlaga tolu Ezekial Moses ‘o Nauru, ‘ae manumālō Edidiong Joseph Umoafia ‘e 319 kilokalama le aofa’iga ‘o kilo na ia si’iina. 

Na ‘ausia ‘e Marion Ah Tong ‘o Sāmoa le quarterfinals ‘o le ta’aloga faipelē ‘i le 70 kilokalama ‘i le taeao ‘o le Aso Lua ‘ina ‘ua manumālō ‘ia Tavita Kaoma ‘o Kiripati.  ‘E lēai se tagata Pasefika na sili atu sona tūlaga mai ta’aloga ‘o heats ‘i le 100 mita ‘o taufetuliga.   ‘O lo’o tūlaga muamua pea ‘Ausetālia mai le aso ananafi, ‘e 26 ‘auro, 13 siliva ma le 20 ‘apa memea.  Lona lua ‘Egelani, tolu Kānata, 4 Nigeria, 5 Sikotilani, 6 ‘Aferika ‘i Saute, 7 Meleisia, 8 ‘Initia, 9 Jamaica ‘ae 10 Niu Sila.   ‘O Sāmoa ‘o lo’o tūlaga 15 ‘e tasi le siliva.

Link to RNZ (Article): https://www.rnz.co.nz/news/pacific/814987/two-more-medals-for-the-pacific-in-glasgow-commonwealth-games

IMAGE/ATA: Samoa Weightlifting