Toe ‘amatalia ta’amilosaga ‘o le sa’iliga siamupini ‘a le Liki Pāsefika

‘O le ‘ā toe ‘amatalia ta’amilosaga ‘o le sa’iliga siamupini ‘a le Liki Pāsefika mō ali’i ma tama’ita’i, ma ‘e tolu ta’aloga ‘o le ta’amilosaga ‘o le ā fa’ataunu’uina ‘i totonu ‘o Niu Sila ‘amata atu iā ‘Oketopa.

Na fa’ailoa mai ‘e le Lakapī Liki ‘a Niu Sila, ‘o le ‘ā toe fa’agāsolo le ta’amilosaga iā ‘Oketopa ‘e o’o atu iā Nōvema, ‘i lalo ‘o le faigā pā’aga ma le NRL. ‘O le ‘ā fa’ailogaina ai le toe fo’i mai ‘o ta’aloga ‘a le Kiwi ‘i Kalaiesetete mo le taimi muamua ‘i le lima tausaga, fa’apea le ta’aloga muamua ‘a le Kiwi Ferns ‘i le motu ‘i Saute talu mai le 1998. ‘E fetaui le Kiwi ma le ‘au a Tonga ‘i le malae ‘a le Go Media Stadium ‘a Tāmaki Makaurau ‘Aukilani ‘i Mt Smart ‘i le aso 2 o Nōvema. ‘O le sa’iliga siamupini mō le Pasefika 2024, ‘o se ta’amilosaga ‘ua vaeluaina ‘i vāega ‘e lua vāega, ‘e tauvā ai ‘au a ali’i ma tama’ita’i mai le Pasefika mo le ipu ‘a le Pasefika ma le Pacific Bowl. ‘O le ‘ā faia le ta’amilosaga tele ‘i Sini, ‘Ausetālia ‘i le aso 10 ‘o Nōvema.

ATA: NZ Kiwis captain James Fisher-Harris. (Source: Photosport)