Tīgāina ‘i le ICU se tama fusu ‘a Fiti ‘ina ‘ua faia’ina ‘i le fusu’aga ma se tagata Saina mai ‘Ausetālia.

‘I faipelega fa’alevā’omālō, ‘o lo’o tīgāina ‘i le falema’i ‘i Lautoka se ali’i fusu Fiti ‘e faipelē ‘i le paga ‘o le featherweight, na ‘ave ‘i ai ‘ina ‘ua ‘uma se fusu’aga sā tauvā ai ‘i le pō ‘o le Aso To’ona’i na te’a nei.

‘O lea ali’i fusu ‘e igoa ‘iā Ubayd Haider sā fusu muamua ‘i le igoa ‘o Nathan Singh, na faia’ina ‘i le tu’ioti po’o le knockout ‘i le ali’i Saina ‘e igoa ‘iā Rungi Zhou mai ‘Ausetālia ‘i la lā faipelega mō le fusi ‘o le IBO ‘i le paga ‘o le Featherweight ‘a ‘Āsia ma le Pasefika, ‘o ia faipelega sā faia ‘i le fale tā’alo ‘i le King Charles Park ‘i le ‘a’ai ‘o Nadi.

Tā’ua ‘i se līpoti mai le Fiji Times le āsia ‘o lenei ali’i ‘i le falema’i ‘e le ali’i sā fa’apogai ‘i lea fusu’aga ‘o Freddy Chand, fa’apea ma le mālō fa’aaloalogia mai fafo, sā molimauina ia faipelega, le alo ‘o Samoa ‘iā Sonny Bill Williams.

Link to RNZ (Article) translated by Lauano Ilaoa: https://www.rnz.co.nz/international/pacific-news/532031/fijian-featherweight-boxer-in-icu-after-knockout-loss-reports

ATA: Facebook / Ubayd Haider