Tīgā le faiā’ina mō le ‘Olopeleki ‘i le series ma ‘Aferika ‘i Saute

‘Ua fa’aālia ‘e le Faiā’oga Ulu ‘o le ‘Olopeleki, ia Dave Rennie, ‘o lo’o āga’i pea ‘i luma le taumafai ‘o lana ‘au, peita’i ‘e tīgā le faiā’ina ai ‘e tasi ‘i le tolu, ‘i le series ma le Springboks.

‘E pei ‘ona silasila ma maimoa iai ‘i le ta’aloga faitauina lona fā ‘i Baltimore ‘i ‘Amerika ‘i le Aso Sā na mamao le mālō ‘o ‘Aferika ‘i Saute ‘e 43 ‘i le 28 ‘a le All Blacks.

‘O le tauāluga lea ‘o le ta’amilosaga ‘a le ‘Olopeleki ‘i ‘Aferika ‘i Saute, lea sa āofia ai ta’aloga ‘e valu, ‘e fitu ‘i totonu ‘o ‘Aferika ‘i Saute ‘ae tasi ‘i ‘Amerika.

‘O le ‘a mālōlō nei le ‘Olopeleki, ‘ae ‘o le māsina fou isi ā latou ta’aloga fa’alevā’omālō ‘e tā’a’alo ai ma le Wallabies ‘a ‘Ausetālia, mō le ipu ‘o le Bledisloe.

‘O le ta’aloga muamua ‘o lea series ‘e faia ‘i le aso 10 ‘o ‘Oketopa ‘i le malae ‘o le Eden Park, ‘a’o lona lua ‘o ta’aloga ‘e faia ‘i Sydney ‘i le vaiaso ‘e soso’o ai.

IMAGE/ATA: All Blacks Facebook.