Tatau ‘ona fa’asā le haka ‘a le ‘Olopeleki – Joe Marler ‘o ‘Egelani

‘Ua fa’aalia ‘e le nūmera lua ‘o le ‘au lakapi ‘a ‘Egelani, Joe Marler, ‘e tatau ‘ona fa’asā le haka ‘a le ‘Olopeleki.  ‘E lē fetaui.  ‘O ana tusitusiga ia na faia ‘i luga ‘o ‘upega ‘o feso’ota’iga ‘o le X.  ‘E lelei pe ‘ā fai ‘e mafai ‘ona fetālia’i ‘au ‘e pei ‘o le lakapī liki ‘i le vāiaso talu ai.  ‘O le fa’amatalaga lea ‘a Marler, ‘e fa’atatau ‘i le tā’aloga ‘i le va ‘o le Toa Sāmoa ma ‘Egelani ‘i Wigan ‘i le vāiaso talu ai, ‘i ni uiga fa’aalia ‘o ‘Egelani ‘i le taimi na faia ai le Siva Tau.  ‘O ia va’aiga, ‘ua toe fa’aleo ai ni finagalo mai tagata tāpua’i, ‘ina ‘ia tali atu isi ‘au pe ‘ā fa’atino atu ni lu’i ‘a isi ‘au, ‘ae ‘aua le nā’o le tutū ma matamata.

Na fa’asala ‘Egelani ‘i le Ipu o le lalolagi ‘o le 2019 ‘ina ua sopoia ‘e Marler ma isi ‘o la lātou ‘au le laina sā vā ai ma le isi ‘au, ‘a’o le’i ‘āmataina le tā’aloga ma sā solia ai tu’utu’uga ‘a le Lakapī ‘a le Lalolagi ‘i lu’i ‘o tū ma aga’ifanua ‘a ‘au ta’itasi.  ‘Ua lē mafai ‘e Marler ‘ona lu’i le haka ‘a le ‘Olopeleki i lenei vāiaso, ‘ona ‘o lo’o manu’a mai le tā’aloga lea na faia’ina ai ‘Egelani ‘i le ‘Olopeleki ‘i Dunedin ‘iā Iūlai.

Link to RNZ (article) translated by Savelina Kasiano: https://www.rnz.co.nz/news/sport/532306/england-prop-joe-marler-calls-all-blacks-haka-ridiculous

ATA: (RNZ)England prop Joe Marler has fired a shot at the haka. Photo: www.photosport.nz