Tatala malae le Black Ferns Ta’ito’afitu ‘i le Bledisloe Cup

‘O le ‘ā tatala malae le ‘au ta’ito’afitu ‘a le Black Ferns ma ‘Ausetālia, ‘i se ta’aloga ‘e tasi, ‘a’o le’i faia le ta’aloga lona lua ‘a le ‘Olopeleki ma le Wallabies ‘i Sini ‘i le māsina fou ‘i le Ipu ‘o le Bledisloe ‘i le Accor Stadium. 

Na fa’aalia le agaga fiafia ‘o le faiā’oga ‘o le ‘au ta’ito’afitu ‘a tama’ita’i Niu Sila, Cory Sweeney ‘i lea fuafuaga, ‘ona ‘o se taimi muamua ‘o le ‘ā faia ai se ta’aloga ta’ito’afitu fa’avāomālō, muamua ‘a’o le’i faia se ta’aloga faitaulia ‘a le ‘Olopeleki. 

‘Ua iai le fa’anaunauga ‘o le pule sili ‘o le Lakapī ‘a ‘Ausetālia, Phil Waugh, ‘o se fuafuaga ‘o le ‘ā manuia.  Mā ‘o se taimi ‘o le ‘ā tūsia ‘i le tala fa’asolopito mō le Lakapī ‘a ‘Ausetālia, ‘o le ‘ā va’aia ai ‘a lātou ‘au ‘uma ‘e 4 sā ‘ausia ni tūlaga maualuluga, ‘i luga ‘o le malae ‘e tasi.  ‘O isi ta’aloga ‘e lua, ‘o le ‘ā tā’a’alo ai ‘au ta’ito’afitu ‘a tama ‘i le vā ‘o ‘Ausetālia ma Fiti fa’apea ai ma ‘au ta’ito’asefululima ‘a tama’ita’i ‘i le vā ‘o le Wallaroos ma Sikotilani. 

IMAGE/ATA: Black Ferns Facebook