Ta’aloga pa’ū ma nofo ‘o le Lakapi Supa 2025

‘Ua māe’a filifili ‘au ‘a kalapu lakapī ‘ua au atu ‘i le ta’amilosaga ‘o le pa’ū ma nofo ‘o le Lakapi Supa ‘i le fa’ai’uga ‘o le vāiaso.  ‘Ua toe taliu ane Asafo Aumua mō le Hurricanes ‘auā le ta’aloga ma le Brumbies, ‘ae fa’aleoleo ‘i ai Raymond Tuputupu, ‘ae ‘ua lē filifilia Jacob Devery. ‘E faia lea ta’aloga ‘i Canberra ‘i le toe 25 minute ‘i le 10 ‘i le pō ‘o le Aso To’ona’i nei.

‘O Caleb Delany ‘i le tūlaga ‘o le loka fa’atasi ma Zach Gallagher, fa’aleoleo Ngane Punivai.  15 ‘āmata ‘ua iai Brett Cameron ma Ruben Love, fa’aleoleo Callum Harkin.  Mō le ‘au ‘a le Sifi, toe ‘aumaia Simon Parker ‘i le vāega ‘o loose forwards mō le ta’aloga ma le Blues, fa’aleoleo Wallace Sititi.  Samipeni Finau ‘i le nūmera 8.  ‘E lē’o tele se suiga ‘i le Chiefs mō le ta’aloga ma le Blues, ‘i le 5 ‘e te’a ai le 7 ‘i le pō ‘o le Aso To’ona’i nei, ‘i le FMG Stadium ‘i Waikato.  ‘E na’o le tasi le suiga ‘o le ‘au ‘a le Blues, Adrian Choat ‘i le to’a 15 ‘āmata, fa’aleoleo Anton Segner.  ‘Ua filifilia fo’i ‘e le Crusader la lātou ‘au pito mālosi, kapeteniina ‘e David Havili ‘i le ta’aloga ma le Reds ‘i le pō ‘o le Aso Faraile ‘o ā taeao lea, ‘i le 5 ‘e te’a ai le fitu ‘i Kalaiesetete. 

Link to RNZ Article translated: https://www.rnz.co.nz/news/sport/563091/super-rugby-pacific-play-offs-chiefs-spring-surprise

ATA: RNZ.