Su’esu’eina ‘e le FIFA le ‘au soka ‘a Argentina

 ‘O lo’o su’esu’eina ‘e le fa’alāpotopotoga Soka ‘a le lalolagi ‘o le FIFA, se ata ‘o lo’o salalau solo ‘i ‘upega ‘o feso’ota’iga ‘o lo’o fa’aalia ai nisi ‘o sui ‘o le ‘au soka ‘a Argentina, ‘o pepese ‘e fa’atatau ‘i le ‘au ‘a Falani lea ‘ua fa’apea ane le Fa’alāpotopotoga Soka ‘a Falani, ‘o se faiga fa’ailoga lanu ma le fa’ailoga tagata. 

Na tā’ua ‘e le Fa’alāpotopotoga Soka ‘a Falani ‘i le Aso Gafua, ‘o le ‘ā tu’uina atu sa lātou fa’aseā ‘i le FiFa ‘e fa’atatau ‘i lea ata, lea ‘o lo’o patipatia ai ‘e le ‘au tā’a’alo ‘a Argentina lo lātou manumālō ‘i le Copa America.  ‘I se tusitusiga ‘a Wesley Fofana ‘o le kalapu ‘a Chelsea, ‘e mātuiā ‘upu fa’ailoga lanu ‘a Enzo Fernandez ‘o Argentina ‘i lea pese. 

Mulimuli ane na fa’ato’ese Fernandez ‘i luga ‘o ‘upega ‘o feso’ota’iga.  Na manumālō Argentina ‘iā Colombia ‘e tasi ‘i le lēai ‘i lea tā’aloga mā ‘o le fa’asefuluono ai lea ‘ona siamupini Argentina ‘i le Copa America.

ATA: UPI.com (Sports).