State of Origin ta’aloga lona lua

‘O le 10.05pm nānei taimi Niu SIla, ‘o le ‘a toe fetaui ai le ‘au mālosi ‘a New South Wales ma le Maroons ‘a Kuiniselani, ‘i le ta’aloga lona lua ‘o le State of Origin.

‘O le Blues na manumālō ‘i le ta’aloga muamua lea sa faia ‘i le tolu vaiaso talu ai. ‘O le lua vaiaso talu ai na faia ai ni suiga tetele mō le ‘au ‘a Kuinisielani, ‘ua lē toe filifilia ai Daly Cherry-Evans, ‘o le ali’i pito ‘umi ‘ona ta’alo ‘i le ‘au, ‘ae ‘ua suitūlaga iai Tom Dearden.

‘Ua fesuiai foi tulaga o le Uigi ma le centre mō Hamiso Tabuai-Fidow ma Valentine Holmes. ‘O nisi ‘o fesuiā’iga ‘i le ‘au ‘a Niu Sā Uelese, ‘o le ‘a toe tā’a’alo fa’atasi ai Nathan Cleary ma Jarome Luai, ‘ua toe fo’i mai Luai ‘e ta’alo ‘ona ‘o lo’o fa’amanu’alia Mitchell Moses.

ATA: SCR (file).