Sao Niu Sila ma Niu Kaletōnia ‘i le Ipu ‘o le Lalolagi Soka FIFA U20

‘Ua maua avanoa ‘o Niu Sila fa’apea ai ma Niu Kaletōnia ‘e tauvā ai ‘i le ta’amilosaga ‘o le Ipu ‘a le Lalolagi mō ‘au ‘a ali’i, ‘i lalo ‘o le 20 tausaga le mātutua, lea ‘e faia ‘i le atunu’u ‘o Chile ‘i le tausaga fou 2025.

‘O ‘au nei ‘a Niu Sila ma Niu Kaletōnia na manumālō ‘iā lā semifinals na tā’a’alo ai ma le ‘au ‘a Fiti fa’apea ma le ‘au ‘a le Atu Solomona ‘i Apia ‘i le Aso Gafua ananafi.

‘O Niu Kaletōnia na mālō ‘i le Atu Solomona ‘e 3 ‘i le 2.

‘A’o le ‘au ‘a Niu Sila na mālō ‘iā Fiti ‘e tasi ‘i le lēai.

‘Ua sāuni nei lā Niu Sila ma Niu Kaletōnia ‘e tā’a’alo ‘i le final mō le siamupini ‘o le vāega ‘o ali’i ‘i lalo ‘o le ta’i 19 tausaga le mātutua, lea ‘e faia ‘i Apia ‘i le Aso Tofi, ‘ae muamua le tā’aloga ‘a  Fiti ma Solomona ‘e su’e ‘i tūlaga tolu ma le fā.

PHOTO: RNZ.