Saini Tuna Tuitama ‘i le Highlanders

‘Ua fa’amaonia ‘e le ‘au ‘a le Highlanders le saini ai ‘o Tuna Tuitama ‘o le Manu Sāmoa, fa’apea ai ma Joseva Tamani ‘o Fiti ‘i la lātou kalapu.  ‘E ta’i lua tausaga konekarate ‘a ia taulele’a ‘e o’o atu ‘i le fa’ai’uga ‘o le Lakapī Supa ‘o le 2028.

‘E lua tausaga na ta’alo ai Tuitama ‘i le Moana Pasifika ma ‘e 12 ta’aloga faitaulia na ta’alo ai mō Sāmoa ‘ina ‘ua ulua’i filifilia ‘i le 2024.  ‘A’o le’i filifilia Tuitama ‘i le Moana Pasifika, sā ta’alo ‘i le ta’amilosaga ‘o le ta’ito’afitu ‘a le Lalolagi, ma ‘e 30 sikoa na ia mauaina ‘i ta’aloga ‘e 56 mō le ‘au ta’ito’afitu ‘a Sāmoa.

Na fa’afetaia ‘e Tuitama le Atua ‘ona ‘ana lē Seanoa Ia, na te lē maua ia fa’amanuiaga.  Na ia fa’afetaia lona ‘āiga fa’apea fo’i le Highlanders ‘ona ‘o lea avanoa. 

Link to RNZ (Article): https://www.rnz.co.nz/news/sport/878750/highlanders-sign-samoa-and-fiji-internationals-for-super-rugby

IMAGE/ATA: Highlanders Facebook