Saini Melani Matavao ma Tuna Tuitama mo le Moana Pasifika ‘i le 2025/2026

‘O le Aso Faraile na fa’alauiloa mai ai ‘e le Moana Pasifika le sainia ai lea ‘e le susuga ‘iā Melani Matavao, fa’apea le susuga ‘iā Tuna Tuitama ‘o le Manu Sāmoa le la konekarate ma le ‘au ‘a le Moana mo le ta’amilosaga ‘a le Super Rugby Pacific 2025 ma le 2026.

‘O Matavao fa’apea Tuitama na ta’a’alo ‘uma mo le ‘au ‘a le Aana Chiefs ‘i Sāmoa, ma na tauvā ‘i le ta’amilosaga ‘o le PPS Super 9 competition.

‘O le susuga ‘iā Matavao ‘e mai le āfio’aga ‘o Fasito’o Uta ma Lauli’i, ‘ae ‘o le susuga ‘iā Tuitama ‘e mai le āfio’aga ‘o Mulifanua ma Faleasi’u.

ATA: Melani Matavao & Tuna Tuitama / Moana Pasifika.