Saini Marley Leulu’ai ‘i le Auckland FC ‘i se faigāpā’aga fa’asikolasipi

‘Ua saini le alo Sāmoa-Māori ia Marley Leulu’ai, 19 tausaga le matua, ‘i le kalapu ‘a le Auckland FC mō le ta’amilosaga soka ‘o le A-League, ‘ina ‘ua manuia se fa’ata’ita’iga na faia ma le kalapu.  ‘O le tele ‘o le taimi ‘o le soifuaga ‘o Leulu’ai, sa ola ai ‘i ‘Egelani, ma ta’alo ‘i le Manchester City academy, ‘a’o le’i saini ‘e ta’alo fa’apolōfesa mō le taimi muamua ‘i le Burnley ‘i le tausaga ‘e 2023, ma ta’alo ai mō le ‘au ‘i lalo ‘o le ta’i 21 tausaga le mātutua. 

‘O nai māsina ia ‘ua tuana’i atu, na ta’alo fa’ata’ita’i ai Leuluai ‘i le kalapu ‘a ‘Aukilani.  Na ia kapeteniina le ‘au ‘a Niu Sila ‘i le Ipu ‘o le Lalolagi ‘a le FIFA ‘i le 2023 mō ‘i lātou ‘i lalo ‘o le ta’i 17 tausaga le mātutua.  ‘O Marley, ‘o le alo ‘o le susuga ‘iā Kylie Leulu’ai, sa ta’alo ‘i le lakapī liki fa’apea le Toa Sāmoa.  ‘O ta’aloga muamua ‘a le Auckland FC mō le ta’amilosaga, ‘e tā’a’alo ai ma Melepone ‘i le aso 17 ‘Oketopa.

Link to RNZ (Article): https://www.rnz.co.nz/news/sport/1415854/auckland-fc-sign-marley-leuluai-of-rugby-league-family-on-scholarship-deal

IMAGE/ATA: Marley Leuluai. Photo credit: supplied