Saini Dame Lydia Ko ta’ailosaga tā polo ‘a Niu Sila tausaga fou

‘Ua saini Dame Lydia Ko ‘e ‘āuai ‘i le ta’amilosaga tā polo ‘a Niu Sila ‘i le tausaga fou.  ‘O lea ta’amilosaga ‘e faia ‘i le le Wainui Golf and Function Centre ‘i mātū ‘o ‘Aukilani mai le aso 18 ‘e o’o atu ‘i le 21 Mati 2027. 

‘O le tausaga ‘e 2013, na ulua’i ‘ūmia ai ‘e Dame Lydia le ipu ‘o le siamupini ‘o le ta’amilosaga ‘a tama’ita’i ‘a Niu Sila ‘ina ‘ua fa’ato’ā 15 ona tausaga, ‘ae na toe manumālō ai ‘i le 2015 ma le 2016, ‘o le taimi na ‘avea ai ma nūmera tasi ‘i le lalolagi ‘i le ta’aloga tā polo. 

Na saunoa Ko, ‘o ia na ola a’e ‘i North Shore, ma ‘o se tūlaga fa’apitoa mō ia le ta’alo ‘i luma ‘o le tāpua’iga ‘i lona atunu’u ‘o Niu Sila ma ‘o se fiafiaga tele mō ia le toe fo’i mai ‘e ta’alo ‘i lea ta’amilosaga tele.

IMAGE/ATA: Screengrab / Lydia Ko Instagram