‘O le ‘afa ‘o tagata tā’a’alo ‘e lē talitonuina le A-League

‘O le ‘afa ‘o tama tā’a’alo ‘o le ta’amilosaga soka ‘o le A-League ‘a ali’i, ‘e le’o fa’amalieina ‘i le faiga ‘o lo’o pūleaina ai le liki, ‘e tusa ai ma se sā’ili’iliga na faia ‘e le iuni ‘a le ‘au tā’a’alo.  ‘E to’a 191 tama tā’a’alo na aofia ‘i le iloiloga ‘o le PFA, na iloa ai, ‘o le 27 pasene ‘e matuā lē fa’amalieina lava ‘i le ‘auala ‘o lo’o pūleaina ‘ai e le Australian Professional Leagues le ta’amilosaga.  ‘E 46 pasene sa o lātou fa’ailoa le maualalo ‘o lo lātou talitonuina ‘o le fa’atinoga ‘o le liki, ‘ae 11 pasene ‘e maualuga lo lātou talitonuina ‘o le pūlega.

‘O lo’o aofia ai ‘i nisi ‘o popōlega ‘o tama ta’aalo, le saogalēmū ‘i kalapu ‘o lo’o tā’a’alo ai.  ‘E 17.5 miliona tālā ‘e maua ‘e le A-League ‘a ali’i ‘o tupe ‘e maua mai tama ‘ia ‘e ‘ave pe fa’atau atu ‘i isi kalapu.  Ma ‘ua tele atu tupe ‘e maua mai lea faiga, nai lō tupe ‘e maua ‘e le liki ‘i māliliega ‘o le fa’asalalauga ‘o tā’aloga.

Link to RNZ (Article) translated by Savelina Kasiano: https://www.rnz.co.nz/news/sport/534881/half-of-players-don-t-trust-the-a-league

ATA: Western United players celebrate with the championship trophy during the A-League Grand Final. Photo: Joel Carrett / www.photosport.nz