Na fa’apēfea ‘ona ofi atu Rachael Raygun ‘i le ‘Ōlimipeka?

‘E lēai se ‘ai ‘o le tama’ita’i ‘o Rachael Raygun ‘i le tauvaga ‘o le siva ‘e ta’ua ‘o le break dance ‘i tā’aloga ‘o le ‘Ōlimipeka ‘i Pale. 

To’atele fo’i tagata ‘o lo’o fesilisili pea, pē na fa’apēfea ‘ona ofi atu ‘i tā’aloga ‘i Pale lea tama’ita’i.  Peita’i ‘o le tala ‘a se tasi na tauvā ‘i lea tā’aloga sā talafeagai lava le filifiliga.  ‘Ae ‘ua faitioina ‘e le ali’i Aferika ‘Amerika ‘o Malik Dixon le fa’alāpotopotoga po’o le Komiti ‘o le ‘Ōlimipeka, ‘i le mafai ‘ona ofi atu ‘o lea tama’ita’i ‘Ausetālia.   Sā iai le ta’amilosaga ‘e fili ai sui ‘o le ‘Ōseania, ‘e mafai ai ‘e so’o se tama ma so’o se teine mai ‘Ausetālia ma Niu Sila ‘i le vāega ‘o le B ‘ona fa’aulu lona igoa ‘e tauvā ai, ma sā faia ‘i Sini ‘iā Oketopa 2023, pei ‘ona fa’aalia ‘e se tasi ‘o tagata iloga sa tauvā, fa’amasino ma a’oa’oina le break dance mō le 20 tausaga.  ‘O Raygun na ‘avea ma sui ‘o ‘Ausetālia ‘i le break dance, ma sā ‘ese foi va’aiga ‘i ana gāioiga ‘i le faiga ‘o le siva, ‘e aofia ai le osooso ‘e pei ‘o le kagalū.  Na tā’ua ‘i tu’utu’uga ‘o lea ta’aloga, so’o se itū’āiga ‘o gāioiga ma metotia fou, ‘e talia.  Peita’i, sā le’i fa’amalieina ai le Komiti, ma tu’u atu le 0, po’o le matuā lēai lava ‘o se ‘ai mō lea tama’ita’i ‘i taimi ‘uma na tauvā ai ‘i le ‘Ōlimipeka.  ‘O Raygun ‘e faiā’oga ‘i se iunivesitē ‘i ‘Ausetālia.  ‘O le taimi muamua lea ‘ua ofi atu ai le break dance ‘i le ‘Ōlimipeka ma le fa’anaunauga ‘e fa’atōsina atu ai nisi tupulaga. Peita’i ‘e le’o aofia ‘i le lisi ‘o tā’aloga ‘i le ‘Ōlimipeka ‘i Los Angeles ‘i le 2028.

Link to RNZ (Article) translated by Savelina Kasiano: https://www.rnz.co.nz/news/sport/524981/how-did-raygun-qualify-for-the-olympics

ATA: Australia’s Rachael Gunn, left, known as Raygun, gestures next to US’ Logan Edra, known as Logistx, during their battle in the breaking dance competition at the Paris Olympics.

Odd Andersen/AFP (RNZ).