Manumālō le White Ferns ‘i le ipu ‘a le lalolagi kilikiti T20 ‘a tama’ita’i sā faia ‘i Dubai

‘Ua manumālō le White Ferns ‘a Niu Sila, ‘i le Ipu ‘a le Lalolagi ‘i tā’aloga kilikiti ‘o le T20 ‘a le vāega ‘o tama’ita’i, lea sā faia ‘i le nu’u ‘o Dubai. ‘O le final ‘o lea ta’amilosaga ‘i le vaveao analeilā, ‘i le vā ‘o Niu Sila ma ‘Aferika ‘i Saute, na mālō ai le White Ferns ‘i ‘ai ‘e 32, ‘ona ‘e le’i maua ‘e ‘Aferika ‘i Saute, o lātou ‘ai ‘e 158 na tā  ‘iā lātou ‘ova ‘e 20, ‘ae 5 pē.

‘O le tuliga ‘o ia ‘ai, na ‘uma ‘ova ‘e 20 ‘a ‘Aferika ‘i Saute ‘ae nā ‘o le 126 o lātou ‘ai mai pē ‘e iva(9), ma manumālō ai Niu Sila.‘O se taimi muamua lenei ‘ua mālō ai Niu Sila ‘i le Ipu lenei ‘a le Lalolagi ‘i kilikiti fa’alevāomālō ‘a tama’ita’i ‘i le vāega lea ‘e ta’i 20 ‘ova po’o le T20.

ATA: The White Ferns’ Suzie Bates celebrates after taking the catch to dismiss South Africa’s Annerie Dercksen during the ICC Women’s T20 World Cup cricket final match – RNZ